Жарма ауданы Шалабай ауылдық округіне қарасты Шалабай ауылындағы Н.Крупская атындағы орта мектептің  тарихы

        1933 жылдары  800  адам  тұратын шаруашылықта,  алғашында бастауыш,  жеті жылдық одан  он  жылдық  мектеп ашылды. Совхоз кеңсесінің екінші қабаты мектепке  берілсе, кейін 1939 жылы толығымен мектеп  иелігіне  көшті. Алғаш  рет 1934 жылы  ауылда  оқу жасындағы  балалар  саны  есепке  алынып, барлығы 72 оқушы бар екені анықталды. Оның 18-і бірінші сыпыпқа, 16-ы екінші, 17-і үшінші, 21-і төртінші сыныпқа тіркелді.          137 оқушысы  бар мектепке 1937 жылы  Н.К.Крупская  аты  беріліп, мектеп  жанынан  интернат  ашылып онда 36 бала тұрды. 1940 жылы  мектеп алғашқы 10 балаға кәмелеттік аттестат тапсырды.         Ұлы Отан соғысы  басталар алдында екінші рет  мектеп бітірушілер кәмелеттік аттестат алды.Соғыстан кейінгі  жылдары  оқушы  саны  көбейе  бастады. 1951 жылы соғыстан кейінгі бірінші мектеп  бітірушілер өмірге жолдама  алды. Содан  бері  бейбіт  өмір  аясында жас жеткіншектерге  орта мектеп білім нәрін  сеуіп келеді.Мектеп түлектері  еліміздің  түкпір-түпкірінде әр  салада еңбек етіп жүр. 1976 жылы мектепті бітіріп,  мұғалімдік қызметін  өз мектебінен бастап, оқу ісі  меңгерушілік кызметін  атқарған  түлегіміз  Қажығалиева  Гүлмира  Абзалханқызы  бүгінде  филология ғылымының  докторы, КазМУ-де дәріс береді.  Мұғалімдік  қызметін орыс тілі  мен  әдебиеті мұғалімдігінен  бастаған  Гүлжан  Абзалханқызы  қазір филология  ғылымының докторы, Халықаралық  қатынастар  институтында  дәріс  береді.Мектеп бітірушілер  арасында  әскерилер, дәрігерлер, мұғалімдер, зоотехниктар,мал дәрігерлері, инженерлер  тағы  да  басқа  мамандық  иелері  бар.Ұзақ  жылдар  ұстаздық  еткен  «Оқу-ағарту ісінің  озығы» атақтарын  алғандар; Құдабаева Г.А, Смагулов Ө.С., Моргунова Т.Я.,  Кучербаев Қ.С,  Нуркина Ш.Б.,  Байсұлтанов К.Б. т.б        Мектеп басқару жүйесінде  қызмет еткен  азаматтар  да  өзіміздің түлектерҚазіргі таңда мектеп директоры болып осы мектептің түлегі Нұралинов Рысқали Төлеубекұлы тағайындалып отыр.